गत हप्तादेखि थापाथलीको सुकुम्बासी बस्तीका कारण सुकुम्बासी, भूमिहीन र अव्यवस्थित बसोबास भन्ने शब्द अत्यधिक प्रयोगमा आयो र समाधानका विषयमा नागरिक समाजसमेत वर्गीकृत हुन पुग्यो । नेपाली बृहत् शब्दकोशमा सुकुम्बास– घर जग्गा, सम्पत्ति वा केही नभएको स्थिति भनेर अर्थ गरेको र सुकुम्बास भएका व्यक्तिहरू सुकुम्बासी सम्बोधित भएको देखिन्छ । २०४८ सालमा बलबहादुर राईको अध्यक्षतामा सुकुम्बासी समस्या समाधानका लागी बनेको पहिलो आयोगदेखि अहिलेसम्म १५ जनाको नेतृत्वमा सुकुम्बासी समस्या समाधान आयोगले काम गरिसकेको छ
