निष्क्रिय कर्जा बढेसँगै घट्यो धौलागिरी लघुवित्तको नाफा, प्रतिशेयर आम्दानी ?

काठमाडौं । धौलागिरी लघुवित्त वित्तीय संस्था लिमिटेडले चालू आर्थिक वर्षको दोस्रो त्रैमासिक वित्तीय विवरण सार्वजनिक गरेको छ । विवरणअनुसार कम्पनीको खुद नाफा गत आवको दोस्रो त्रैमासको तुलनामा चालू आवमा ८३ प्रतिशत घटेको छ । गत आवमा रू. २ करोड १४ लाख नाफा कमाएको कम्पनीले चालू आवको सोही अवधिसम्म रू. ३४ लाख ९९ हजारमात्र कमाएको छ । चालू आवमा कम्पनीको निष्क्रिय कर्जा र ब्याज खर्चमा वृद्धि भएको छ । गत आवमा कम्पनीको निष्क्रिय कर्जा ३ दशमलव ७५ रहेकोमा चालू आवमा ७ दशमलव ६९ पुगेको छ । त्यस्तै कम्पनीको ब्याज खर्च गत आवमा रू. ३ करोड ९८ लाख रहेकोमा चालू आवमा बढेर रू. ५ करोड ६७ लाख पुगेको छ । त्यस्तै चालू आवमा कम्पनीले सम्भावित जोखिमबापतको व्यवस्थापनमा धेरै रकम छुट्याएकाले पनि नाफा प्रभावित भएको हो । गत आवमा कम्पनीले सम्भावित जोखिमबापतको व्यवस्थापनमा रू. १ करोड ६७ लाख छुट्याएकोमा चालू आवमा रू. २ करोड ६० लाख छुट्याएको छ । सोही कारण कम्पनीको सञ्चालन नाफा रू. १ करोड १० लाख ऋणात्मक रहेको छ । कम्पनीको चुक्तापूँजी रू. १० करोड ३१ लाख रहेको छ । चालू आवको दोस्रो त्रैमाससम्म कम्पनीले जगेडामा रू. ६ करोड ४७ लाख सञ्चित गरेको छ । कम्पनीले रू. ५४ करोड ९६ लाख सापटी र रू. ६८ करोड ६२ लाख निक्षेप संकलन गरेर रू. १ अर्ब ४२ करोडभन्दा बढी कर्जा लगानी गरेको छ । कम्पनीको प्रतिशेयर आम्दानी रू. ६ दशमलव ७९, मूल्य आम्दानी अनुपात २०३ दशमलव २४ गुणा, तरलता अनुपात ७ दशमलव ९८ प्रतिशत र प्रतिशेयर नेटवर्थ रू. १६२ दशमलव ८० रहेको छ ।

पूर्ण विवरण

सम्बन्धित सामग्री

निष्क्रिय कर्जा बढेसँगै समता घरेलु लघुवित्त पहिलो त्रैमासमा नोक्सानीमा

काठमाडौं । समता घरेलु लघुवित्त वित्तीय संस्था लिमिटेडले चालू आर्थिक वर्ष (आव)को पहिलो त्रैमासिक वित्तीय विवरण सार्वजनिक गरेको छ । उक्त वित्तीय विवरण अनुसार कम्पनी चालू आवको पहिलो त्रैमासमा रू. ४७ लाख ९५ हजार नोक्सानीमा छ । गत आवको पहिलो त्रैमासमा भने कम्पनीले रू. ५३ लाख १६ हजार नाफा कमाएको थियो । चालू आवमा कम्पनीको निष्क्रिय कर्जा बढेकोले नोक्सानीमा गएको हो । गत आवमा कम्पनीको निष्क्रिय कर्जा ३ दशमलव ४१ प्रतिशत रहेकोमा चालू आवमा बढेर ७ प्रतिशत पुगेको छ । त्यस्तै कम्पनीको खुद ब्याज आम्दानी पनि गत आवको तुलनामा चालू आवमा ३३ प्रतिशत घटेको छ । गत आवमा कम्पनीको खुद ब्याज आम्दानी रू. ५ करोड १० लाख रहेकोमा चालू आवमा घटेर रू. ३ करोड ३९ लाखमा झरेको छ । चुक्ता पूँजी रू. ३९ करोड ४१ लाख रहेको कम्पनीले जगेडामा रू.१० करोड ३२ लाख र रिटेन्ड अर्निङमा रू. १ करोड ४९ लाख सञ्चिति गरेको छ । कम्पनी नोक्सानीमा रहेसँगै प्रतिशेयर आम्दानी ४ रुपैयाँ ८७ पैसा ऋणात्मक छ । त्यस्तै कम्पनीको प्रतिशेयर नेटवर्थ रू. १२९ दशमलव ९९ र तरलता अनुपात १६ दशमलव ७५ प्रतिशत छ ।

Aarthik Abhiyan आश्विन २०८०

निष्क्रिय कर्जा बढेसँगै निर्धन उत्थान लघुवित्त नोक्सानीमा, अन्य सूचक कस्ता ?

कठमाडौं । निर्धन उत्थान लघुवित्त वित्तीय संस्था लिमिटेडले चालू आर्थिक वर्ष (आव)को पहिलो त्रैमासिक वित्तीय विवरण सार्वजनिक गरेको छ । उक्त वित्तीय विवरण अनुसार कम्पनी नोक्सानीमा छ । गत आवको पहिलो त्रैमासमा कम्पनीले रू. ३ करोड २५ लाख नाफा कमाएकोमा चालू आवको पहिलो त्रैमासमा रू. १४ करोड ३० लाख ऋणात्मक रहेको हो । चालू आवमा कम्पनीको निष्क्रिय कर्जा बढेकाले र सञ्चालन नाफा ऋणात्मक रहेकाले नोक्सानीमा गएको हो । गत आवमा कम्पनीको निष्क्रिय कर्जा ७ दशमलव १४ प्रतिशत रहेकोमा चालू आवमा बढेर १२ दशमलव ५३ प्रतिशत पुगेको छ । त्यस्तै गत आवमा कम्पनीको इम्पेयरमेन्ट चार्ज रू. २६ करोड ९२ लाख रहेकोमा चालू आवमा बढेर रू. ३८ करोड ८० लाख पुगेको छ । इम्पेयरमेन्ट चार्ज बढेको कारण कम्पनीको सञ्चालन नाफा रू. १४ करोड ३३ लाख ऋणात्मक भएको हो । चालू आवमा कम्पनी नोक्सानीमा भएसँगै प्रतिशेयर आम्दानी ५ रुपैयाँ ४७ पैसा ऋणात्मक रहेको छ । सो अवधिमा कम्पनीको तरलता अनुपात १५ दशमलव ४९ प्रतिशत र प्रतिशेयर नेटवर्थ रू. १६६ दशमलव ६७ रहेको छ । चुक्ता पूँजी रू. २ अर्ब ६१ करोड रहेको कम्पनीले जगेडामा रू. १ अर्ब ८३ करोड र शेयर प्रिमियममा रू. ५ लाख १० हजार सञ्चिति गरेको छ । रिटेन्ड अर्निङ भने रू. ९ करोड ३३ लाख ऋणात्मक छ । रिपोर्ट हेर्न यहाँ क्लिक गर्नुहोस्

Aarthik Abhiyan आश्विन २०८०

निष्क्रिय कर्जा बढेसँगै स्वरोजगार लघुवित्तको नाफा ५३.९६ प्रतिशत घट्यो

काठमाडौं । स्वरोजगार लघुवित्त वित्तीय संस्था लिमिटेडले गत आर्थिक वर्ष (आव)को चौथो अपरिष्कृत वित्तीय विवरण सार्वजनिक गरेको छ । उक्त वित्तीय विवरण अनुसार कम्पनीको खुद नाफा अघिल्लो आवको चौथो त्रैमासको तुलनामा गत आवको सोही अवधिमा ५३ दशमलव ९६ प्रतिशत घटेको छ । अघिल्लो आवमा कम्पनीले रू. २० करोड २६ लाख नाफा कमाएकोमा गत आवमा घटेर रू. ९ करोड ३२ लाखमा सीमित भएको हो । गत आवमा कम्पनीको निष्क्रिय कर्जा बढेकाले र सञ्चालन नाफा, खुद ब्याज आम्दानी घटेकाले नाफा प्रभावित भएको हो । अघिल्लो आवमा कम्पनीको निष्क्रिय कर्जा २ दशमलव ३७ प्रतिशत रहेकोमा गत आवमा बढेर ४ दशमलव ७५ प्रतिशत पुगेको छ । त्यस्तै कम्पनीको सञ्चालन नाफा अघिल्लो आवको तुलनामा गत आवमा ६६ दशलमव ५६ प्रतिशत र खुद ब्याज आम्दानी १४ प्रतिशत घटेको हो । नाफा घटेसँगै कम्पनीको प्रतिशेयर आम्दानी पनि घटेको छ । अघिल्लो आवमा कम्पनीको प्रतिशेयर आम्दानी ३९ रुपैयाँ ४१ पैसा रहेकोमा गत आवमा घटेर १४ रुपैयाँ ८७ पैसामा झरेको छ । गत आवमा कम्पनीको मूल्य आम्दानी अनुपात ४७ दशमलव ४० गुणा, तरलता अनुपात १० दशमलव ४१ प्रतिशत र प्रतिशेयर नेटवर्थ रू. १३६ दशमलव ३३ रहेको छ । कम्पनीको वितरणयोग्य नाफा रू. ७ करोड २७ लाख छ । चुक्ता पूँजी रू. ६२ करोड ७२ लाख रहेको कम्पनीले जगेडामा रू. १५ करोड ३९ लाख र रिटेन्ड अर्निङमा रू. ७ करोड ३८ लाख सञ्चिति गरेको छ। रिपोर्ट हेर्न यहाँ क्लिक गर्नुहोस्

Aarthik Abhiyan श्रावण २०८०

निष्क्रिय कर्जा बढेसँगै स्वस्तिक लघुवित्तको नाफा प्रभावित, यस्ता छन् अन्य सूचक

काठमाडौं । स्वस्तिक लघुवित्त वित्तीय संस्था लिमिटेडले गत आर्थिक वर्ष (आव)को चौथो त्रैमासिक वित्तीय विवरण सार्वजनिक गरेको छ । उक्त वित्तीय विवरण अनुसार कम्पनीको खुद नाफा अघिल्लो आवको तुलनामा ४९ दशमलव ९३ प्रतिशत घटेको छ । अघिल्लो आवको चौथो त्रैमाससम्ममा कम्पनीले रू. ६९ लाख ८० हजार नाफा कमाएकोमा गत आवमा घटेर रू. ३४ लाख ९५ हजारमा झरेको हो । गत आवमा कम्पनी निष्क्रिय कर्जा बढेसँगै नाफा प्रभावित भएको हो । अघिल्लो आवमा कम्पनीको निष्क्रिय कर्जा १ दशमलव २६ प्रतिशत रहेकोमा गत आवमा बढेर ३ दशमलव ४९ प्रतिशत पुगेको छ । त्यस्तै कम्पनीले सम्भावित जोखिम बापतको व्यवस्थामा धेरै रकम छुट्याउँदा सञ्चालन नाफा रू. ७९ लाख ४५ हजार ऋणात्मक रहेको छ । यस कारण पनि खुद नाफा घटेको हो । त्यस्तै कम्पनीको खुद ब्याज आम्दानी अघिल्लो आवको तुलनामा गत आवमा ३० प्रतिशत घटेको छ । कम्पनीको चुक्ता पूँजी रू. ३ करोड ४६ लाख छ । त्यस्तै कम्पनीले जगेडामा रू. २ करोड ३५ लाख सञ्चिति गरेको छ । साथै कम्पनीले आईपीओ निष्कासन गर्ने तयारीमा पनि छ । कम्पनीले अधिकृत पूँजीको ४० प्रतिशतले हुन आउने आईपीओ ल्याउने प्रक्रिया अगाडि बढाएको हो । यसका लागि कम्पनीले धितोपत्र निष्कासन तथा विक्री प्रबन्धकमा नबिल इन्भेष्टमेन्ट बैंकिङलाई नियुक्त गरेको छ ।

Aarthik Abhiyan आषाढ २०८०

निष्क्रिय कर्जा बढेसँगै इन्फिनिटी लघुवित्तको नाफा ८८ प्रतिशत घट्यो, अन्य सूचक कस्ता ?

Aarthik Abhiyan बैशाख २०८०

निष्क्रिय कर्जा बढेसँगै सिवाईसी नेपाल लघुवित्तको नाफा प्रभावित

काठमाडौं । सिवाईसी नेपाल लघुवित्त वित्तीय संस्था लिमिटेडले चालू आर्थिक वर्षको तेस्रो त्रैमासिक वित्तीय विवरण सार्वजनिक गरेको छ । विवरणअनुसार कम्पनीको खुद नाफा गत आवको तेस्रो त्रैमासको तुलनामा चालू आवको सोही अवधिमा ९२ दशमलव २९ प्रतिशत घटेको छ । गत आवमा कम्पनीले रू. ९ करोड ९९ लाख नाफा कमाएकोमा चालू आवको सोही अवधिमा रू. ७७ लाख ७ हजारमा झरेको हो । चालू आवमा कम्पनीको निष्क्रिय कर्जा बढेकोले नाफा घटेको हो । गत आवमा कम्पनीको निष्क्रिय कर्जा १ दशमलव ९७ प्रतिशत रहेकोमा चालू आवको सोही अवधिमा बढेर ९ दशमलव ८४ प्रतिशत पुगेको छ । नाफासँगै कम्पनीको प्रतिशेयर आम्दानी पनि घटेको छ । गत आवमा कम्पनीको प्रतिशेयर आम्दानी १०९ रूपैयाँ ५२ पैसा रहेकोमा चालू आवमा घटेर ३ रूपैयाँ ८५ पैसा (वार्षिक) मा झरेको छ । कम्पनीको खुद ब्याज आम्दानी भने गत आवको तुलनामा चालू आवमा ११ दशमलव ३९ प्रतिशत बढेको छ । गत आवमा कम्पनीले रू. १५ करोड ७७ लाख खुद ब्याज आम्दानी गरेकोमा चालू आवमा बढेर रू. १७ करोड ५७ लाख पुगेको हो । कम्पनीको चुक्तापूँजी रू. २६ करोड ६४ लाख रहेको छ । कम्पनीले जगेडामा रू. २४ करोड ६७ लाख र रिटेन्ड अर्निङमा रू. ६ करोड २४ लाख सञ्चित गरेको छ । कम्पनीको तरलता अनुपात ११ दशमलव ६६ प्रतिशत र प्रतिशेयर नेटवर्थ रू. २१६ दशमलव शून्य ३ रहेको छ । रिपोर्ट हेर्न यहाँ क्लिक गर्नुहोस्

Aarthik Abhiyan चैत्र २०७९

निष्क्रिय कर्जा बढेसँगै गुडवील फाइनान्सको नाफा ८६ प्रतिशत घट्यो

काठमाडौं । गुडवील फाइनान्स लिमिटेडले चालू आवको तेस्रो त्रैमासिक वित्तीय विवरण सार्वजनिक गरेको छ । उक्त वित्तीय विवरण अनुसार कम्पनीको खुद नाफा गत आवको तेस्रो त्रैमासको तुलनामा चालू आवको सोही अवधिमा ८६ प्रतिशत घटेको हो । गत आवमा कम्पनीले रू. १५ करोड नाफा कमाएकोमा चालू आवको सोही अवधिमा १ करोड ९९ लाखमा सिमित भएको हो । चालू आवमा कम्पनीको निष्क्रिय कर्जा बढेकाले नाफा प्रभावित भएको हो । त्यस्तै कम्पनीको इम्पेरिमेन्ट चार्ज बढेकाले सञ्चालन नाफा घटेकाले पनि नाफा घटेको हो । गत आवमा कम्पनीको निष्क्रिय कर्जा २ प्रतिशत रहेकोमा चालू आवमा बढेर ४ दशमलव ७१ प्रतिशत पुगेको छ । गत आवमा कम्पनीको इम्पेरिमेन्ट चार्ज रू. १२ करोड २४ लाख रहेकोमा चालू आवमा बढेर रू. १७ करोड ९२ लाख पुगेको हो । इम्पेरिमेन्ट चार्ज बढेसँगै कम्पनीको सञ्चालन नाफा ८६ दशमलव ९५ प्रतिशत घटेको छ । खुद ब्याज आम्दानी भने गत आवको तुलनामा चालू आवमा ५७ प्रतिशत वृद्धि भएको छ । गत आवमा कम्पनीले रू. २० करोड खुद ब्याज आम्दानी गरेकोमा चालू आवमा बढेर रू. ३१ करोड ५७ लाख पुगेको हो । नाफाघटेसँगै कम्पनीको प्रतिशेयर आम्दानी पनि घटेको छ । गत आवमा कम्पनीको प्रतिशेयर आम्दानी रू. १७ दशमलव ३१ रहेकोमा चालू आवमा घटेर रू. २ दशमलव ११ मा झरेको छ । कम्पनीको चुक्ता पूँजी रू. ९४ करोड ६१ लाख रहेको छ । कम्पनीले जगेडामा रू. ५५ करोड ८३ लाख , रिटेन्ड अर्निङमा रू. १० करोड १४ लाख र शेयर प्रिमियममा रू. २४ लाख ७५ हजार सञ्चित गरेको छ । रिर्पोट हेर्न यहाँ क्लिक गर्नुहोस

Aarthik Abhiyan चैत्र २०७९

निष्क्रिय कर्जा बढेसँगै घट्यो सेन्ट्रल फाईनान्सको नाफा, अन्य सूचक कस्तो ?

काठमाडौं । सेन्ट्रल फाईनान्स लिमिटेडले चालू आर्थिक वर्षको दोस्रो त्रैमासिक वित्तीय विवरण सार्वजनिक गरेको छ । विवरणअनुसार कम्पनीको खुद नाफा गत आवको दोस्रो त्रैमासको तुलनामा चालू आवको सोही अवधिमा ९८ प्रतिशत घटेको छ । कम्पनीले गत आवको दोस्रो त्रैमाससम्म रू. ३ करोड ५० लाख नाफा कमाएकोमा चालू आवको सोही अवधिमा रू. ३ लाख ९९ हजारमा सीमित भएको हो । चालू आवमा कम्पनीको निष्क्रिय कर्जा बढेकाले नाफा घटेको हो । गत आवमा कम्पनीको निष्क्रिय कर्जा १ दशमलव ६१ प्रतिशत रहेकोमा चालू आवमा बढेर ७ दशमलव ६३ प्रतिशत पुगेको छ । त्यस्तै कम्पनीको सञ्चालन नाफा पनि ९८ प्रतिशत घटेको छ । गत आवमा कम्पनीको सञ्चालन नाफा रू. ४ करोड ९६ लाख रहेकोमा चालू आवमा घटेर रू. ५ लाख २८ हजारमा झरेको हो । कम्पनीको खुद ब्याज आम्दानी भने गत आवको तुलनामा चालू आवमा १३ प्रतिशत वृद्धि भएको छ । गत आवमा कम्पनीले रू. ११ करोड १४ लाख खुद ब्याज आम्दानी गरेकोमा चालू आवमा बढेर रू. १२ करोड ६४ लाख पुगेको छ । नाफा घटेसँगै कम्पनीको प्रतिशेयर आम्दानी पनि घटेको छ । गत आवमा कम्पनीको प्रतिशेयर आम्दानी रू. ७ दशमलव ९५ रहेकोमा चालू आवमा घटेर रू. शून्य दशमलव शून्य ८ मा झरेको हो । त्यस्तै कम्पनीको तरलता अनुपात ३० दशमलव ७९ प्रतिशत र प्रतिशेयर नेटवर्थ रू. १२७ दशमलव ३८ रहेको छ । कम्पनीको चुक्तापूँजी रू. ९४ करोड ८८ लाख रहेको छ । दोस्रो त्रैमाससम्म कम्पनीले जगेडामा रू. २४ करोड ८९ लाख, रिटेन्ड अर्निङमा रू.१ करोड ४ लाख र शेयर प्रिमियममा रू. ४ लाख ४२ हजार सञ्चित गरेको छ । रू. ६ अर्ब १८ करोड निक्षेप संकलन गरेका कम्पनीले रू. ४ अर्ब ९० करोडभन्दा बढी कर्जा लगानी गरेको छ ।

Aarthik Abhiyan पौष २०७९

निष्क्रिय कर्जा बढेसँगै समृद्धि फाइनान्स नोक्सानीमा, अन्य वित्तीय सूचक कस्तो ?

काठमाडौं । समृद्धि फाइनान्स कम्पनी लिमिटेडले चालू आर्थिक वर्षको दोस्रो त्रैमासिक वित्तीय विवरण सार्वजनिक गरेको छ । विवरणअनुसार कम्पनी चालू आवको दोस्रो त्रैमाससम्ममा रू. ७ करोड ७३ लाख नोक्सानीमा रहेको छ । गत आवको दोस्रो त्रैमाससम्म कम्पनीले रू. ६० लाख २२ हजार नाफा कमाएको थियो । चालू आवमा इम्पेरमेन्ट चार्ज र निष्क्रिय कर्जा बढेकाले कम्पनी नोक्सानीमा गएको छ । गत आवमा कम्पनीको इम्पेरमेन्ट चार्ज रू. ४६ लाख ९४ हजार रहेकोमा चालू आवमा रू. ७ करोड ८९ लाख पुगेको छ । त्यस्तै कम्पनीको निष्क्रिय कर्जा गत आवमा ३ दशमलव शून्य ७ प्रतिशत रहेकोमा चालू आवमा १३ दशमलव ९२ प्रतिशत पुगेको छ । कम्पनीको चुक्तापूँजी रू. ८१ करोड ८९ लाख रहेको छ । चालू आवको दोस्रो त्रैमाससम्म जगेडामा रू. १७ करोड १७ लाख सञ्चित गरेको कम्पनीको रिटेन्ड अर्निङ रू. ३९ करोड ५० लाख ऋणात्मक रहेको छ । दोस्रो त्रैमाससम्म रू. १ अर्ब ५८ करोड निक्षेप संकलन गरेको कम्पनीले रू. १ अर्ब ६२ करोडभन्दा बढी कर्जा लगानी गरेको छ । त्यस्तै कम्पनीको खुद ब्याज आम्दानी गत आवको तुलनामा चालू आवमा ४९ प्रतिशत वृद्धि भएको छ । गत आवमा कम्पनीले रू. २ करोड ९८ लाख खुद ब्याज आम्दानी गरेकोमा चालू आवमा रू. ४ करोड ४६ लाख पुगेको छ ।

Aarthik Abhiyan पौष २०७९

लघुवित्त क्षेत्रमा निष्क्रिय कर्जा

नेपाल राष्ट्र बैंकले हालसालै लघुवित्त वित्तीय संस्थाहरूको दोस्रो त्रैमासको वित्तीय विवरण सार्वजनिक गरेको छ । यस विवरणमा लघुवित्त वित्तीय संस्थाहरूको शेयरपूँजी, विभिन्न कोषहरू, विपन्नवर्ग सापटी, संकलित बचत, प्रवाहित कर्जा र त्यसबापतको सम्भावित नोक्सानी व्यवस्था, निष्क्रिय कर्जा, लगानी आदिलाई समेटेको छ । यस त्रैमासदेखि लघुवित्त वित्तीय संस्थाहरूको आधार दरलाई पनि प्रकाशित वित्तीय विवरणमा समेट्न शुरू गरेको छ । उपर्युक्त विवरणले लघुवित्त वित्तीय संस्थाको पछिल्लो अवस्थाका बारेमा जानकारी लिन सकिने भएकाले लघुवित्त क्षेत्रसँग सरोकार राख्ने, अध्ययनकर्ता, बैंक तथा वित्तीय संस्थाहरू, लक्षित वर्ग, दोस्रो बजारमा शेयर कारोबार गर्ने वर्ग लाभान्वित हुने देखिन्छ । यस लेखमा लघुवित्त वित्तीय संस्थाहरूको निष्क्रिय कर्जाका बारेमा चर्चा गर्ने प्रयास गरिएको छ । भाखा नाघेको ३० दिन, ६० दिन, ९० दिन, १२० दिन, २४० दिन र ३६० दिनपछि कर्जा असुली हुने सम्भावना क्रमशः ९५ प्रतिशत, ८९ प्रतिशत, ८० प्रतिशत, ७० प्रतिशत, ५० प्रतिशत र १० वा शून्य प्रतिशत रहन्छ । लघुवित्त संस्थाको २०७८ असार मसान्तको तुलनामा पुस मसान्तमा लगानीमा रहिरहेको कर्जा १८ दशमलव ४३ प्रतिशतले वृद्धि भई रू. ३७६ अर्ब पुगेको र त्यसमध्ये रू. ११.४ अर्ब निष्क्रिय कर्जा रहेको छ । विगतको तुलनामा लघुवित्त वित्तीय संस्थामा रहेको निष्क्रिय कर्जाको अंश क्रमशः घट्दै आएको देखिन्छ । प्राप्त विवरणअनुसार लघुवित्त क्षेत्रको निष्क्रिय कर्जाको अंश २०७७ पुस, २०७८ असार र २०७८ पुस मसान्तमा क्रमशः ४ दशमलव २० प्रतिशत, २ दशमलव ९७ प्रतिशत र २ दशमलव ९४ प्रतिशत रहेको देखिन्छ । संस्थागत रूपमा हेर्ने हो भने शीघ्र सुधारात्मक कारबाहीमा परेको एउटा संस्थाबाहेक ६ ओटाको निष्क्रिय कर्जाको अंश ५ प्रतिशतभन्दा माथि र अन्यको त्योभन्दा कम रहेको देखिन्छ भने लघुवित्त क्षेत्रमा रहेको निष्क्रिय कर्जाको अंश हेर्दा न्यूनतम शून्यदेखि उच्चतम ८ दशमलव ५९ प्रतिशतसम्म रहेको देखिन्छ । सामान्यतया बैंक तथा वित्तीय संस्थामा रहेको निष्क्रिय कर्जाको अंश ५ प्रतिशतभन्दा कम रहनुलाई सन्तोषजनक मान्ने गरिन्छ । कोभिडका कारण व्यापारव्यवसाय राम्रोसँग सञ्चालन हुन नसकेको, कोरोना भाइरसले मुलुक बन्दाबन्दीको अवस्थामा रहँदा अनौपचारिक क्षेत्रमा रोजगारीको अवसर अत्यन्त न्यून भएको र धेरैले रोजगारी गुमाउनुुपरेको, ग्रामीण अर्थतन्त्रको मुख्य आधार बनेको विप्रेषणको आप्रवाह घट्दै गएको, दिनप्रतिदिन बढ्दै गएको महँगीले सर्वसाधारणको दैनिकी कष्टकर हुँदै गएको लगायतका कारणले पछिल्लो समय गरिब र न्यून आय भएका वर्ग तुलनात्मक रूपमा बढी प्रभावित भएका छन् । यस प्रकारको प्रतिकूल अवस्थामा पनि लघुवित्त वित्तीय संस्थामा विगतका सामान्य अवस्थामा भन्दा कर्जा असुलीमा सुधार आई निष्क्रिय कर्जाको अंश न्यून हुँदै जानु समग्र लघुवित्त क्षेत्रको लागि सकारात्मक अवस्था हो । अर्को शब्दमा भन्नुपर्दा, लघुवित्त क्षेत्रमा रहेको निष्क्रिय कर्जासम्बन्धी उक्त तथ्यांकले लक्षित वर्गको आर्थिक अवस्थामा सुधार आएको र वित्तीय चेतनास्तरमा वृद्धि भई आफूले लिएको कर्जा समयमा नै चुक्ता गर्ने बानीको विकास भएको देखाउँछ । लघुवित्त क्षेत्रमा कर्जा असुलीका लागि नियामकीय निर्देशन र संस्था आफैले पनि नीतिगत व्यवस्था तर्जुमा गरी लागू गरिएको हुन्छ । सैद्धान्तिक रूपमा लघुवित्त क्षेत्रमा ऋणी सदस्यले कर्जाको माध्यमबाट आयमूलक व्यवसाय सञ्चालन गरी त्यसबाट आर्जित आम्दानीले कर्जाको साँवा तथा ब्याज समयमा नै भुक्तानी गर्ने गर्छन् । यसका साथै, आफू र परिवार सदस्यको ज्यालामजदूरीबाट प्राप्त आम्दानी, विप्रेषणलगायत स्रोत पनि कर्जा भुक्तानीको लागि प्रयोग भएको पाइन्छ । यति हुँदाहुँदै पनि प्रवाह गरिएको कर्जा निर्धारित समयमा असुली हुन नसकी निष्क्रिय कर्जामा परिणत हुने गर्दछ । त्यसो त लघुवित्त क्षेत्रमा निष्क्रिय कर्जाको शुद्धताप्रति बेलाबेलामा प्रश्न उठ्ने गरेको पाइन्छ । लघुवित्त वित्तीय संस्थाले कर्जा असुलीका लागि सीमाभन्दा बढी कर्जा प्रदान गर्ने, एउटै ऋणी एकभन्दा बढी संस्थाहरूमा आबद्ध भई कर्जा तिर्ने प्रयोजनको लागि सीमाभन्दा बढी कर्जा उपभोग गर्ने, कर्जालाई समयावधि अघि नै नवीकरण गरिदिने, ब्याजमात्र चुक्ता गर्न मिल्ने कर्जालाई प्राथमिकता दिने, सदस्यको नियमित बचतमा जम्मा भएको मौज्दातबाट कर्जा असुली गर्ने, सदस्यले साहू महाजन, छरछिमेक तथा साथीभाइजस्ता परम्परागत स्रोतसँग सापटी लिई कर्जा चुक्ता गर्ने, अधिक ताकेता र धर्ना गरी ऋणी सदस्यको पशुपक्षी तथा अन्य सम्पत्ति बेचबिखन गरेर कर्जा असुली गर्ने, पुरानो कर्जा तिर्न नयाँ कर्जा सृजना गर्नेलगायत वैकल्पिक उपायहरू प्रयोग गर्ने गरेको विषय बेला बेलामा सार्वजनिक हुने गरेको पाइन्छ । तोकिएको समयमा कर्जा असुल हुन नसकेमा निष्क्रिय कर्जाको अंश बढ्दै जाने र वित्तीय दृष्टिकोणबाट संस्था कमजोर भई संकटमा फस्न सक्ने अवस्था आउन सक्छ । त्यसैले तोकिएको समयमा असुली गर्नसक्ने गरी कर्जा प्रवाह गर्नुलाई बुद्धिमानी कार्य मानिने भएकाले कर्जा लगानी गर्ने समयमा नै यसतर्फ ध्यान दिनुपर्ने हुन्छ । तोकिएको समयमा कर्जा असुल हुन सकेन भने असुलीका दिनहरू जति जति पछि पर्दै जान्छन् त्यतिनै कर्जा असुली हुने सम्भावना पनि न्यून हुँदै जाने अवस्था रहन्छ । यस सम्बन्धमा विश्व ऋण परिषद्का अनुसार भाखा नाघेको दिन ३० दिन, ६० दिन, ९० दिन, १२० दिन, २४० दिन र ३६० दिनपछि कर्जा असुली हुने सम्भावना क्रमशः ९५ प्रतिशत, ८९ प्रतिशत, ८० प्रतिशत, ७० प्रतिशत, ५० प्रतिशत र १० वा शून्य प्रतिशत रहन्छ भन्ने निष्कर्ष सान्दर्भिक देखिन्छ । त्यसैले भाखा नाघेको कर्जा असुली गर्न समयमा नै ताकेतापत्र, जमानी, सदस्य तथा समूह पदाधिकारीसँगको निरन्तर भेटघाट र उनीहरूको गुनासो सुन्ने लगायतका कार्यहरू गर्नु उपयुक्त हुन्छ । लघुवित्त संस्थाको मुख्य कार्य वित्तीय पहुँचको माध्यमबाट स्वरोजगारीलाई महत्त्व दिने भएकाले कर्जामा सहजता र सेवाग्राहीको पहँुचलाई सर्वसुलभ बनाउने विषयलाई प्राथमिकतामा राख्नुपर्छ । हैसियत र आवश्यकताभन्दा बढी प्रवाह भएको कर्जाले सदस्यको अनावश्यक खर्च गर्ने बानीको विकास गराउने र समयमा नै कर्जाको असुलीमा समस्या आई संस्थामा निष्क्रिय कर्जा वृद्धि हुन जान्छ । त्यसैले लघुवित्त क्षेत्रको दिगो र गुणस्तरीय प्रवद्र्धनका लागि कर्जा प्रदान गर्नुअघि र पछि नीतिगत व्यवस्थाको अनुपालना गर्दै निष्क्रिय कर्जा असुली गर्न अस्वस्थ्य र वैकल्पिक उपायहरू अवलम्बन गर्नेतर्फ लघुवित्त वित्तीय संस्थाहरू बेलैमा सचेत हुनुपर्ने देखिन्छ । लेखक लघुवित्तसम्बन्धी जानकार हुन् ।

Aarthik Abhiyan फाल्गुन २०७८