नारायण नगरपालिकाका छ सय घरधुरी खरको छानामुक्त भएका छन् । आर्थिक अवस्था कमजोर भएका कारण घरमा खरको छाना र माटो हालेर निर्माण गरेका मुन्ना घरका कारण नागरिकहरू समस्यामा भोग्नु परेको समस्यालाई मध्यनजर गर्दै नारायण नगरपालिकाले आर्थिक वर्ष २०७६/०७७ मा खरको छानामुक्त र मुन्ना घर विस्थापित गर्ने नीति नगर सभाबाट पारित कार्यविधि निर्माण गरी अभियान सुरु गरेको थियो। सोही अभियान अन्तरगत हालसम्म ४५९ घरको छानामुक्त गर्न जस्तापाता वितरण गरिएको नगरपालिकाले जानकारी दिएको छ ।
